محمود حميدة: مينفعش نستغني عن المهرجانات الفنية عشان أحداث غزة

تحدث الفنان محمود حميدة، عن إقامة دورة جديدة من مهرجان الأقصر للسينما الإفريقية، وذلك في ظل أحداث غز المؤلمة.

وقال محمود حميدة: أنا رأيي أن توقف المهرجانات خطأ كبير، والعرب بتنظر للمهرجان على أنه عُرس أو فرح، وإذا مات عزيز لدينا ألغينا الفرح وكأن مفيش عمل.

وأكد: لأ المهرجان عمل حقيقي ولا يمكن إلغاؤه، إحنا ممكن منعملش المظاهر الاحتفالية اللي متعودين عليها زي السجادة الحمراء والغناء والرقص والأعلام اللي بتطير في الهواء، لكن العمل لا يُستغنى عنه.

وتابع حميدة: إحنا مهتمين جدًا بالقضية الفلسطينية وبنبكي دم، بس مافيش في إيدينا حاجة نعملها.

وأضاف محمود حميدة: أي مهرجان سينمائي أو غيره بيدعم المكان اللي هو فيه سياحيًا، وده من أهداف إقامة المهرجانات في العالم كله، لأن المهرجان بيلفت الأنظار، مع إن الأقصر مش محتاجة هذا النوع من لفت الأنظار، والأقصر أكبر من إن مهرجان يضيف لها.